Nagpinermahay karong adlaw sa memorandum of agreement ang Lokal nga Pangagamhanan sa Manolo Fortich nga gipangulohan ni Municipal Mayor Rogelio N. Quiño uban sa presensiya ni Vice Mayor Reynaldo L. Bagays Jr., Sangguniang Bayan Member ug Committee Chair sa Torismo nga si Konsehal Rina E. Quiño tali Visitour.ph Marketing personnel Jessa Matugas. Ang MAO signing adunay kalabutan sa dugang pagpalambo sa torismo sa lungsod pinaagi sa usa ka tourism app nga dali o sayon nga pag-access sa mga turista sa mga establisemento o kaha mga tourist destination sa lungsod.
Sumala ni Tourism Officer Jixon Cloyd Abanes nga dakong tabang ang visitour.ph nga cellpone app hilabina sa mga turista nga buot madiskubre ang mga nindot nga laaganan ug accommodation sa lungsod sa Manolo Fortich. “Isa ni siya ka cellphone application kung asa ma-access sa torista ug sa atong mga negosyante especially ang atong mga tourist establihments. Sa part pud sa LGU especially sa tourism, mas paspas ug mas accurate nga data tungod kay kining visitour nga app aduna sila’y QR Code nga scan sa mga bisita nga ilang maregister sa ilang mga pangalan, ilang gusto adtuan sa Manolo ug of course kung asa sila naka-book. Kani nga mga detalye ma-gather namo ni sa among end para ma-submit pud nato ang statistic sa Region ug Provincial level.” pahayag ni Abanes.
Ang visitour.ph nga cellphone application libre nga ma-download ug makaseguro usab ang mga potential users niini nga adunay confidentiality sa mga data nga na-input sa nasangpit nga cellphone app. Ang maong cellphone app gimugna sa mga IT ug HRM students gikan sa Bukidnon State University, ug sa kasamtangan nagamit na kini sa Probinsya, Region-10 ug ingon sa ubang parte sa Luzon.